Медайымдар күнү белгиленди

Б.Сыдыков атындагы Кыргыз-Өзбек Эл аралык университетинин медициналык колледжинде 12-май-Медайымдардын эл аралык күнүнө карата «Менин сыймыгым-менин кесибим» аттуу кароо-сынак өттү.
Кароо-сынак үч этапта уюштурулуп, катышуучулар өздөрүнүн чеберчиликтерин көрсөтүп жеңүүчүлөргө диплом жана баалуу белектер тапшырылды.
Андан сырткары медициналык колледждин мугалимдери, окуудагы жетишкендиктери жана маданий-массалык иш-чараларга активдүү катышкан студенттер университеттин жана профсоюз уюмунун ардак грамотасы, акчалай сыйлыктары менен сыйланышты.
Ошондой эле медайымдардын күнүнө карата чакырылган конокторго уюштуруучулар тарабынан ыраазычылык кат, атайын белектер берилди.
Аталган иш-чарага КӨЭАУнун мамлекеттик тил жана социалдык иштер боюнча проректору Сыргак Сарыков, профсоюз уюмунун төрагасы Шералы Эгембердиев, медициналык колледждин директору Равшан Жумаев катышып куттуктоо сөздөрүн айтышып, келген конокторго ыраазычылыктарын билдиришти.
Social Share Buttons and Icons powered by Ultimatelysocial