Тарыхы 

 

Тарыхы         Курамы            Окуу-усулдук, илимий ишмердүүлүгү

Түзүмү жана профессордук-окутуучулук курамы

Тарбиялык — маданий ишмердүүлүгү

Кесиптик лицейдин тарыхы

              1930- 1940-жылдар аралыгында Кыргызстан   жаш жумушчу адистерге ото муктаж болгондугуна байланыштуу, 1936-жылы  Ош шаарында биринчи жолу ири өндүрүштүк  ишкана Жибек токуучу фабрика ачылат. Фабрикага иштөө үчүн кадрларды даярдоочу фабрика-заводдук мектеп ачат. Түштүк Кыргызстанда алгачкы  жолу кыргыз, өзбек улутундагы кыздар токуучу станокту таанып орун алып иштешет. Алгач 30 гана окуучу окуса да, бул өзүнчө эле жеңиш болгон. Алгачкы окуу жайдын директору болуп Г.И. Прошин дайындалат.

1941-жыл биздин элибиз, мекенибиз үчүн эң оор мезгил болгондуктан көптөгөн завод, фабрикалар өлкөнүн түпкүрүнө көчүрүлүп, эл фронт үчүн күчтүү продукцияны чыгаруусу зарыл болгон. Ошондон кийинки мезгилде ФЗОнун окуучулары жеңиш үчүн фронтко керектүү парашют үчүн жибек жиптерин даярдап беришип өз салымдарын кошуп турушкан.

1943-45-жылдары окуу жайды Г.В. Яковленко жетектеген. 1945-1948-жылдары Селезнева Капитолина Александровна директору болгон.

                 1960-жылы №14 ФЗОнун базасына РУ №11 (ремесленное училище) 2 жылдык пила түрүүчүлөрдү даярдоочу окуу жайы уюшулган. 1962-жылы РУ №11 кесиптик-техникалык окуу жайы деп аталган. 1963-жылы окуучулардын санынын көбөйүшүнө байланыштуу  320 орундуу жаңы окуу корпусу ишке берилген.1964-жылы Кыргыз ССРнин Турмуш-тиричилик жактан тейлөө министрлиги тарабынан жаңы 2 кабаттуу окуу-өндүрүштүк окуу корпусу  ишке берилген.1970-жылдан баштап ГПТУ №11 Ош жана Жалал-Абад шаарындагы тигүү фабрикаларына керектүү кадрларды даярдай баштайт.

                Кыргыз ССРнин кесиптик билим берүү боюнча мамлекеттик комитетинин №178-буйругунун негизинде №11 ГПТУ 3 жылдык окуу мөөнөтү менен окутулуучу кесиптик-техникалык училищага (ГПТУ №11) айландырылган. 1984-жылы ПТУ №11 СПТУ №11 болуп аталды. Кыргыз өкмөтүнүн 1999-жылдын 30-майындагы №5 токтому менен Кыргыз-Өзбек университетинин курамына кирип, Кыргыз-Өзбек кесиптик лицейи болуп (КУПЛ)  өзгөртүлгөн.

 Кесиптик лицейди жетектеген директорлор:

  1. 1936-43-жж. Прошин Г.М.
  2. 1943-45-жж. Яковленко Г.В.
  3. 1945-48-жж. Селезнева К.А.
  4. 1948-55-жж. Г.Н. Кожухарь
  5. 1955-65-жж. Волкова Надежда Демидовна
  6. 1965-75-жж.Кожухарь Григорий Никитич
  7. 1975-82-жж. Гирич Иван Кузьмич
  8. 1982-98-жж. Насыров Сталкин Насырович
  9. 1998 жылдан Тиллебаев К.М.

Белгиленген директорлордун ичинен Насыров Сталкин Насырович «Кесиптик билим берүү министрлигинин эмгек синирген ишмери» деген ардактуу наамга арзыган. Лицейдин эмгек жамаатында эмгектин мындай алдынкылары ондоп саналат.

1998-жылдан баштап кесиптик лицейди “Билим берүүнүн мыктысы”, Жогорку Кенештин Ардак грамотасынын ээси, университеттин “эмгек синирген ишмери” Тиллебаев Карим Маматович жетектеп келүүдө.

Учурда жаштарга билим берүүдө лицейде жалпысынан 19 мугалим, устаттар үзүрлүү эмгектенишүүдө. Окуу системасы окуу планынын, программаларынын, окуу графиктеринин негизинде жүргүзүлөт. Лицейде жалпысынан 211 окуучу билим алууда. Азыркы учурда кесиптик окуу жайдын эмгек жамааты ак эмгектеринен баар таап, чон-чон ийгиликтерге жетишүү менен жаштарга билим, тарбия берип келе жатышат.

Лицейдеги адистиктер:

 Кыргыз-Өзбек кесиптик лицейи төмөнку ексиптеги адистерди даярдоодо 

  • 5146  “Тикмечи”;  окуу мөөнөтү 3 жыл (9-класстын көлөмүндө, контракттык негизде)
  • 7443 “Тигүүчү”; окуу мөөнөтү 1 жыл (11-класстын көлөмүндө, контракттык негизде)
  • 5141 “Чач тарач”; окуу мөөнөтү 1 жыл (11-класстын көлөмүндө, контракттык негизде)
  • 5147 “Электр жабдууларын ондоо боюнча слесарь-электрик, ширетүүчү”; окуу мөөнөтү 1 жыл  (11-класстын көлөмүндө, контракттык негизде).

  Кесиптик лицейде баардыгы болуп 19 мугалим жана өндүрүштүк мастерлер  окуу, маданий тарбиялык иштери боюнча иш алып барышууда. Булардын ичинен:       

  • 16 жогорку билимдүү ;
  • 3 орто билимдүү ;

    3 айкалыштыруу жолу менен эмгектенет.

Лицейдин окутуучулар курамынын 85 пайызы жогорку билимдүү, 15 пайызы орто кесиптик билимдүү.

 Жогорку квалификациялуу адистерди даярдоодо лицейде кесип берүүнүн мыктылары: Тиллебаев К.М.,  Сасыкбаева З., Турдубаева Г. окуучуларга билим, тарбия берүүнүн үстүндө үзүрлүү эмгектенишүүдө. Ар жылы университеттин күнүнө карата өткөрүлгөн жылдын жыйынтыгы боюнча жетишкен ийгиликтери үчүн бир топ мугалимдер жана окуу өндүрүшүнүн устаттары алдыңкы сыйлыктардын ээси болуп келишүүдө.   Арзыбаева М., Сасыкбаева Э., Эргешова Т.Ж. “Жылдын алдыңкы устаты” номинациясынын ээлери.  Областтык администрациянын, мэриянын, университеттин, профсоюз уюмунун Ардак Грамоталары менен бир топ алдынкы окутуучулар сыйланып келишүүдө.

Social Share Buttons and Icons powered by Ultimatelysocial